2019 წლის 12 იანვრიდან 15 იანვრის ჩათვლით, თსსუ-ის ფარმაკოგნოზიის დეპარტამენტის ასოცირებული პროფესორი, ფარმაციის ფაკულტეტის სამეცნიერო-კვლევითი და პრაქტიკული უნარ-ჩვევების ლაბორატორიის ხელმძღვანელი ლაშა მსხილაძე, ინსბრუკის უნივერსიტეტის პროფესორ გიუნტერ ბონის მიწვევით დაესწრო ბუნებრივი შენაერთების ავსტრიის რიგით მეორე სამიტს- „PHYTOValley“.
პროფესორ ბონის ინიცირებითა და ღონისძიების საორგანიზაციო კომიტეტის სრული დააფინანსებითა და მხარდაჭერით ავსტრიის მეორე სამიტზე მიიწვეული იყო თსსუ-ის სამაგისტრო პროგრამის „ფარმაცევტული ანალიზის“ ორი სტუდენტი - სალომე ასანიძე და მეგი ხარიბეგაშვილი, სადაც მათ წარმოადგინეს კვლევითი ნაშრომები პოსტერულ ფორმატში.
კონფერენცია ორგანიზებული გახლდათ ავსტრიის ბუნებრივი ნაერთების სკრინინგის ინსტიტუტის (ADSI) მიერ, რომელიც მოიცავდა შემდეგ თემებს - ფიტოფარმაცია, ფიტოკოსმეტიკა, ახალი ინოვაციური ფიტოპროდუქტების კვლევა, გამოვლენა და განვითარება.
თსსუ-ის სამეცნიერო-კვლევითი სფეროებისა და აქტივობის გასაცნობად ქართულმა მხარემ გამართა შეხვედრები ავსტრიის სამეცნიერო ჯგუფებთან რამაც დიდი ინტერესი გამოიწვია უცხოელ კოლეგებში.
თსსუ-ის წარმომადგენლები განსაკუთრებული მადლიერებით აღნიშნავენ ინსბრუკის უნივერსიტეტის პროფესორ გიუნტერ ბონის და ინსბრუკში მოღვაწე ქართველი ექიმის ირმა კვიცარიძის გულთბილ მიღებასა და მხარდაჭერას უნივერსიტეტების ინტერნაციონალიზაციის საქმეში.
