2018 წლის 10 ნოემბერს 16:00 საათზე „სოციალური საწარმო განსაკუთრებული ჟურნალის“ ორგანიზებით და თბილისის სახელმწიფო სამედიცინო უნივერსიტეტის მხარდაჭერით, თსსუ-ის „თეატრალურ დარბაზში“ გაიმართება შშმ პირთა ცეკვის, სიმღერისა და ხელოვნების პირველი საერთაშორისო ფესტივალი „ივერია ბრილიანტი“.
ფესტივალში საქართველოსთან ერთად მონაწილეობას მიიღებს ათამდე ქვეყანა: უკრაინა, პოლონეთი, ისრაელი, თურქმენეთი, სომხეთი, აზერბაიჯანი, ინგუშეთი, ჩეჩნეთი, თურქეთი, ირანი და ეგვიპტე.
ფესტივალის მთავარი მიზანია შშმ პირთა სრული ჩართულობა ხელოვნების სხვადასხვა სფეროში, მათი შემოქმედების პოპულარიზაცია და განვითარება.
ფესტივალი ხორციელდება სრულიად საქართველოს კათოლიკოს პატრიარქის, ცხუმ-აფხაზეთისა და ბიჭვინთის მიტროპოლიტის, უწმინდესისა და უნეტარესის, ილია მეორის ლოცვა კურთხევით.