2018 წლის 7 დეკემბერს, თბილისის სახელმწიფო სამედიცინო უნივერსიტეტის ადმინისტრაციის, სტომატოლოგიის ფაკულტეტის დეკანატის წარმომადგენლები და დიპლომირებული სტომატოლოგის ინგლისურენოვანი საგანმანათლებლო პროგრამის ხელმძღვანელი შეხვდნენ დიპლომირებული სტომატოლოგის ინგლისურენოვანი საგანმანათლებლო პროგრამის სტუდენტებს.
ღონისძიებაზე სიტყვით გამოვიდნენ: თბილისის სახელმწიფო სამედიცინო უნივერსიტეტის ვიცე-რექტორი, პროფესორი ხათუნა თოდაძე; მედიცინის საერთაშორისო ფაკულტეტის დეკანის მოვალეობის შემსრულებელი, ასოცირებული პროფესორი დავით თოფურია; დიპლომირებული სტომატოლოგის ინგლისურენოვანი საგანმანათლებლო პროგრამის ხელმძღვანელი ასოცირებული პროფესორი დეა ვადაჭკორია; იურიდიული სამსახურის და სტომატოლოგიის ფაკულტეტის დეკანატის წარმომადგენლები: მარიკა ცქვიტინიძე და მარიამ კანდელაკი.
შეხვედრაზე განიხილეს პროგრამაზე აკადემიური პროცესის მიმდინარეობის და ადმინისტრირების საკითხები, ისაუბრეს ფაკულტეტის სტრუქტურის, სასწავლო პროცესის, სტუდენტის შეფასების კრიტერიუმების, პერსონალური და პროფესიული ზრდის პერსპექტივების და სტუდენტის უფლება-მოვალეობების შესახებ.
ღონისძიების დასასრულს, თსსუ-ის ადმინისტრაციის წარმომადგენლებმა უპასუხეს დიპლომირებული სტომატოლოგის ინგლისურენოვანი საგანმანათლებლო პროგრამის სტუდენტების მხრიდან დასმულ შეკითხვებს.