2018 წლის 4-6 დეკემბერს, ჯანდაცვის მსოფლიო ორგანიზაციის ევროპული ბიუროს მიწვევით, ნეონატოლოგიის დარგის ექსპერტის სტატუსით თსსუ-ის პედიატრიის N1 დეპარტამენტის ასოცირებული პროფესორი, საქართველოს ნეონატოლოგთა ასოციაციის გამგეობის წევრი ხათუნა ლომაური იმყოფებოდა ლივერპულში ევროპის რეგიონალურ ექსპერტთა შეხვედრაზე.
შეხვედრაზე განიხილეს ევროპის რეგიონში , მათ შორის საქართველოში, პერინატალური ლეტალობის აუდიტის იმპლემენტაციის საკითხები. თრენინგის ფარგლებში განისაზღვრა შემდეგი:
რეგიონალური მასშტაბით, სხვადასხვა ქვეყნებიდან ექსპერტთა მაგისტრი-ტრენერებად მომზადება, რომელიც უზრუნველყოფს პერინატალური ლეტალობის აუდიტის სისტემის ჩამოყალიბებას.
მაგისტრ-ტრენერებმა უნდა აწარმოონ გადამზადების გადამზადების პაკეტის იმპლემენტაცია პერინატალურ აუდიტის ნაციონალურ დონეზე, მტკიცებითი მედიცინის და მულტიდისციპლინური საფუძვლების გამოყენებით;
ქვეყნის სპეციპიკის გათვალისწინებით, მაგისტრი-ტრენერების მიერ უნდა შემუშავდეს შეფასების ინსტრუმენტი;
ექსპერტი-მაგისტრები მუდმივად ჩართული იქნებიან ევროპის რეგიონის მასშტაბით სხვადასხვა ქვეყნის პერინატალური სისტემის ეფექტურობის შეფასებაში, აწარმოებენ გარე აუდიტს;
აღნიშნული აქტივობა მხარდაჭერილია როგორც მსოფლიო ჯანდაცვის ორგანიზაციის (WHO) ისე Unicef ევროპის რეგიონალური ოფისების მიერ.
პრაქტიკული აქტივობები დაიგეგმა 2019 წლის თვიდან.